呢間位於上環嘅日系小店，經過餐廳門口已經俾佢嘅日系裝修同簡約風格吸引。餐廳主打外賣日式便當，所以堂食坐位唔多，每款便當仲有display比大家參考，全部即叫即整，由食材、包裝、擺設都充滿心思。
今次試左美寿乚丼 (魚生飯) 同花舞寿乚盛 (壽司七貫)。刺身係餐廳視乎季節定期更換，確保新鮮！今次試咗海膽、三文魚、赤身、帶子、甜蝦、池魚、金目鯛。刺身整體都好新鮮，每食一啖都好滿足，味覺同視覺！不過份量比較細，啱哂女士 / 輕食之選。建議男士可以試埋當日推介嘅魚生或壽司補充碳水化合物及蛋白質。除咗日式便當，餐廳仲有幾款健康清新嘅沙律比大家選擇。
營養師推介：
– 美寿乚丼(魚生飯)
– BARA寿乚丼 (角切魚生飯)
– 花舞寿乚盛 (壽司七貫)
– 慢煮日本阿波美雞沙律
– 蘇格蘭煙三文魚沙律
地址：
📍上環蘇杭街36號地舖
