韓國菜唔係得炸雞、五花腩、啤酒嘅⋯其實都有好多食住瘦之選㗎！呢間韓國餐廳我好推薦俾減肥嘅朋友仔，食物質素好，環境好。餐廳有落地大玻璃，坐窗口位可以望到尖沙咀鬧市同維港！
營養師推介：
– 辣海鮮湯麵
個麵底其實係烏冬，烏冬煮得啱啱好，唔會太淋！而且勁足料，大大隻青口，蜆肉，仲有魷魚，蝦！至於湯底都好正，辣得好惹味！
– 韓式水冷麵
而家天氣咁熱，一碗水冷麵夠晒透心涼！蕎麥麵口感好好，好彈牙，配上梨汁，好醒胃！牛𦟌就一般般，冇乜肉味，但整體都好食！
– 滑豆腐海鮮辣湯
有足料海鮮，溏心蛋係加分位，將整體味道昇華到另一個層次。湯底唔算太辣，唔太食得辣嘅朋友都冇問題（我唔太食得辣都食到）。營養師提提你：唔好飲晒啲湯呀！
其他低脂菜式：
– 生牛肉配雪梨條
– 烤魚套餐
– 海鮮大醬湯
– 韓燒之選：特級S-pure無骨雞髀肉，特級加拿大龍蝦尾，韓國鮑魚，鮮帶子，鮮大蝦
地址：
📍尖沙咀彌敦道63號iSQUARE國際廣場27樓2702號舖
📍銅鑼灣告士打道280號世貿中心13樓1301號舖
📍太古太古城道20號元宮閣地下G402-403號舖
